Norður Ítalía

Ekið frá Sléttuvegi til Keflavíkur klukkan 05:30 og flogið með flugi Flugleiða FI-590 klukkan 09:00 til Mílano og lent þar um klukkan 15:10. Þaðan er ekið að bænum Stresa við Maggiore vatnið, sem er næststærsta stöðuvatn Ítalíu og liggur bæði í Ítalíu og Sviss. Þar gistum við næstu sjö nætur á Hótel Regina Palace, sem er meira en 100 ára gamalt glæsihótel, sem hýst hefur kóngafólk og auðmenn og leikara og listamenn allt fram á okkar daga.
Kvöldverður á hóteli.

Dagsferð á Maggiore-vatni. Farið verður á siglingu á vatninu til Borromeo eyjanna og og tekið land á helztu eyjunum.
Kvöldverður á hóteli.

Frjáls dagur í Stresa. Tilvalinn til þess að eyða í göngu meðfram vatninu, sitja á kaffihúsi og kynnast heimamönnum. Einnig að nota aðstöðuna við hótelið okkar, en þar er bæði úti- og innisundlaug, sundlaugabar, gufuböð o.fl.
Kvöldverður á hóteli.

Sveitaferð. Ekið upp Ossoladalinn til Domodossola og farið í vín- og matarsmökkun héraðsins.

Frjáls dagur í Stresa.
Kvöldverður á hóteli

Skoðunarferð til Mílanó þar sem litið verður á helztu kennileiti s.s. óperuhúsið fræga la Scala og Dómkirkjuna. Síðan verður gefinn góður frjáls tími til að skoða sig um í þessari næststærstu borg Ítalíu.
Kvöldverður á hóteli.

Um morguninn er farið í skoðunarferð til Taranto garðanna, sem gerðir voru af Skotanum Neil McEarcharn fyrir bráðum 80 árum síðan og þykja einstaklega fagrir. Síðdegið frjálst í Stresa.
Kvöldverður á hóteli.

Brottför frá hóteli um hádegi og ekið til Malpensaflugvallar. Flogið heim með FI-591 klukkan 16:20 og lent í Keflavík klukkan 18:35. Ekið að Sléttuvegi.